25 de xan. de 2010

Veredicto do IV Concurso de Carteis de Teatrofilia

Xa temos gañadoras do concurso!! O cartel elixido para anunciar a VII Mostra de Teatro Amador de Vedra Teatrofilia está firmado polas artistas Aida Pérez e Marta Conde Domínguez, que recibirán o premio de 300 euros o primeiro día de Teatrofilia.

Este ano presentáronse uns 18 traballos. A todos os autores, moitísimas grazas por participar e ánimo para as vindeiras edicións!! Non esquezades que vós tamén tedes un bono gratis para asistir a Teatrofilia, así que... preparádevos que xa chega!

Estamos a traballar na organización desta nova edición da mostra teatral máis imporante de Vedra, comarca e arredores, así que estade atentos que pronto haberá novas... e pronto poderedes ver o cartel cheíño de propostas escénicas!

Ata pronto e un saúdo.

A.C. Papaventos

8 de xan. de 2010

Ampliación do prazo do concurso de carteis

ATENCIÓN, ATENCIÓN!
O prazo para presentar traballos ó IV Concurso de Carteis para anunciar a VII Mostra de Teatro Amador Teatrofilia amplíase ata o vindeiro 20 de xaneiro.
Lembrade que podedes gañar 300 euros e que todos os participantes teredes un bono gratis para asistir ás funcións de Teatrofilia.