En total foron 25 os carteis presentados ao certame, e podemos asegurar que non foi nada fácil realizar as votacións porque había moi boas propostas.
Finalmente, o deseño gañador foi o de Aida Pérez Vázquez, de Boqueixón, cun cartel que en breve colgaremos na rede. Parabéns!
Aos demais, moitísimas grazas por participar, e agardamos contar coas vosas xeniais ideas na vindeira edición.
Recordade tamén que por participar, tedes dereito a un bono para toda a programación de Teatrofilia, e que poderedes recoller no concello de Vedra a semana previa ao festival ou na billeteira durante a súa celebración.
E máis nada, seguimos traballando no tema.
Apertas!
Aquí atoparás toda a información sobre Teatrofilia, a Mostra de Teatro Amador que cada primavera, dende o ano 2003, enche de teatro o municipio coruñés de Vedra. Tamén poderás coñecer as novidades da Asociación Cultural Papaventos, impulsora da mesma, e da súa compañía Andaravía Teatro.
