28 feb. 2018

Velaí vén TEATROFILIA 2018!!!

Compañías de teatro de toda Galicia daranse cita a partir deste venres na XV Mostra de Teatro Amador de Vedra – Teatrofilia 2018, organizada pola Asociación Cultural Papaventos, que nesta edición recibe tamén a visita dunha agrupación portuguesa. A programación inclúe catorce representacións de teatro afeccionado e un espectáculo profesional, que poderán verse todos os venres, sábados e domingos, do 2 ao 24 de marzo, no Centro Social de Vedra.

As propostas abarcan diferentes xéneros e estilos —dende o teatro visual baseado no xesto e no movemento ata a comedia musical, pasando polo teatro de sombras ou o teatro de rúa—, conformando unha programación que amosa a evolución constante do teatro amador galego procedente non só do tecido asociativo, senón tamén do ámbito escolar e universitario.

As entradas para cada un dos espectáculos poderán adquirirse a 3 euros o mesmo día da función no Centro Social de Vedra e os espectadores terán tamén a opción de facerse cun bono para toda a Mostra a un prezo de 7 euros.

Ademais, este ano é moi especial para nós porque a A.C. Papaventos celebra o seu 30º aniversario e non podía faltar unha GRAN ESTREA! O 16 de marzo, Andaravía Teatro presenta o seu novo espectáculo ‘Moito barullo e poucas carolas’, adaptación musical da popular comedia romántica de William Shakespeare na que se reflicten
as dúbidas e medos á hora de embarcarse no amor.

O sábado 10 de marzo o Centro Social de Vedra acollerá un obradoiro creativo para toda a familia, no que os asistentes aprenderán a elaborar e decorar o seu propio papaventos. Unha vez rematado terán oportunidade de voalo se as condicións climatolóxicas o permiten. A entrada para participar neste obradoiro é de balde e é preciso inscribirse previamente no correo ac_papaventos@yahoo.es xa que as prazas son limitadas.

Tamén será precisa a inscrición previa para participar na visita teatralizada polos xardíns do Pazo de Santa Cruz de Ribadulla (Vedra) que Andaravía Teatro realizará o domingo 4 de marzo ás 16:30 horas. Baixo o título ‘Benvido, Sr. Ilustrado’, a compañía vedresa convida os participantes a descubrir os recantos máis destacados dun dos espazos máis emblemáticos do municipio a través dunha historia de ficción inspirada na visita que o ilustrado español Gaspar Melchor de Jovellanos realizou ao Pazo de Ortigueira en 1811 para curarse dun catarro con leite de burra. A entrada para a visita custa 5 euros.

Agardamos que vos guste o programa e veñades celebrar con nós a festa do teatro!

Contádeo e compartide!!
#Teatrofilia2018



18 ene. 2018

Gañadora do Concurso de Carteis Teatrofilia 2018

Ola teatreiras e teatreiros!

Andamos inmersos nos preparativos de TEATROFILIA 2018 e vimos de seleccionar a obra gañadora do XIII Concurso de Carteis para atopar a imaxe da Mostra de Teatro Amador de Vedra, que este ano celebrará a súa 15ª edición. Nesta ocasión, resultou gañador este deseño presentado por Teresa Saco Burgos, de Alcalá de Henares (Madrid), que recibirá un premio de 250 euros. Esta ilustradora, de orixe galega, xa fora a gañadora do concurso en 2016 e o seu traballo volve ser recoñecido nesta nova edición do certame. Parabéns!


Tamén repite como gañadora do accésit infantil, Claudia Dorelle Alvela, de 8 anos e natural de San Miguel de Sarandón (Vedra), que xa conquistara ao xurado en 2016. A súa obra titulada “A maxia do teatro”, fascinou aos membros do xurado, formado polos integrantes da asociación. 




Ademais, queremos anunciarvos que TEATROFILIA 2018 xa ten datas. A Mostra celebrarase os primeiros catro fins de semana de marzo (2, 3, 4, 9, 10, 11, 16, 17, 18, 23 e 24 de marzo). Moi pronto daremos a coñecer toda a programación desta edición, que coincidirá ademais coa celebración do 30º Aniversario da Asociación Cultural Papaventos. Podedes seguir todas as novidades a través do blog e da nosa páxina de Facebook: www.facebook.com/acpapaventos/

Un saúdo a todas e a todos!

10 nov. 2017

Concurso de carteis para a anunciar TEATROFILIA 2018



A Asociación Cultural Papaventos convoca o XIII Concurso de Carteis para seleccionar a imaxe que representará a XV Mostra de Teatro Amador de Vedra - Teatrofilia 2018.

O concurso está aberto a artistas, deseñadores e creadores que queiran presentar as súas propostas. O prazo para facelo estará aberto ata o 10 de xaneiro de 2018.

Podedes consultar as bases do concurso a continuación:

1 - PARTICIPANTES

• Poderán presentarse ao concurso todas aquelas persoas que o desexen, agás os membros da Asociación Cultural Papaventos e familiares directos.
• Cada participante poderá presentar un máximo de dúas obras.

2 - TEMA e CARACTERÍSTICAS TÉCNICAS

• Os carteis teñen que versar preferentemente sobre algo relacionado co teatro. Non obstante, os participantes gozan de completa liberdade para escoller o tema.
• Os/as creadores/as dos carteis que se presenten ao concurso serán responsables da orixe da obra e, se esta estivera inspirada nun traballo alleo, deberán dispoñer da autorización do seu autor/a.
• O tamaño dos carteis debe ser formato A3 (297x420mm).
• Poderán realizarse con calquera técnica (pictórica, fotográfica, informática, etc.).
• No cartel figurará rotulado:
Teatrofilia
XV Mostra de Teatro Amador de Vedra

• É obrigatorio empregar a tipografía “Alba” para a palabra Teatrofilia. Esta pódese descargar no seguinte enderezo web: http://www.fontreactor.com/
• Deberase ter en conta que nalgún lugar do cartel irá a programación da mostra así coma os logotipos das entidades que fan posible Teatrofilia.
• O xurado deste concurso valorará a orixinalidade dos carteis, así como a súa eficacia comunicativa e o impacto e a calidade do deseño.

3 - PRESENTACIÓN

• A data límite para a presentación de carteis é o 10 de xaneiro de 2018.
• En ningún caso o cartel deberá ir identificado co nome do autor/a nin con pseudónimo.
• Os participantes deberán presentar unha copia do seu traballo en tamaño folio. Dita copia e a identificación (nome e apelidos, número de teléfono e correo electrónico, data de nacemento no caso de ser participante do accésit infantil) do autor/a ten que presentarse nun sobre pechado. Sería desexable, aínda que non imprescindible, unha copia do traballo en soporte informático.
• Os sobres pechados xunto cos carteis poderanse presentar ata o 10 de xaneiro (inclusive) na Casa do Concello de Vedra ou a través de correo postal:
Asociación Cultural Papaventos
Rúa da Boca, nº 9 CP 15885, Vedra (A Coruña)
• Tanto nos sobre enviados por correo postal como nos presentados na Casa do Concello de Vedra deberá figurar na parte exterior o asunto: XIII Concurso de Carteis Teatrofilia 2018.

4 - PREMIOS

• O autor/a do cartel gañador será premiado con 250 euros.
• Cada participante deste concurso será obsequiado cun bono para a vindeira edición de Teatrofilia que poderán recoller na súa billeteira.
• Do mesmo xeito, concederase un premio accésit ao mellor cartel infantil (3-12 anos).

5 - XURADO

• O xurado estará formado polos membros da Asociación Cultural Papaventos.
• A Asociación Cultural Papaventos resérvase o dereito de declarar deserto o premio no caso de que ningún cartel acade os requisitos demandados.
• O veredicto do xurado darase a coñecer nos 15 días seguintes á finalización do prazo de entrega a través da páxina web do Concello de Vedra, no boletín informativo do Concello, redes sociais (Facebook) e neste blog.
• O veredicto do xurado será inapelable.

6 - TRABALLOS PREMIADOS

• O cartel que resulte elixido para anunciar a XV edición de Teatrofilia cederá todos os dereitos sobre o seu uso, adaptación e explotación á Asociación Cultural Papaventos, que o empregará en formato dixital e impreso para difundir dita edición de Teatrofilia.
• Tanto o premio do cartel gañador como o accésit infantil serán entregados aos seus autores/as o día da inauguración de Teatrofilia.

7 - TRABALLOS NON PREMIADOS

• Todos os traballos serán expostos durante a mostra. Aqueles autores/as que desexen recoller a obra dispoñen dun prazo de 15 días depois do remate da XV edición de Teatrofilia.

8 - PUBLICIDADE

• Os sucesivos anuncios e novas sobre este concurso de carteis serán publicados neste blog e na páxina web do Concello de Vedra.

9 - NORMA FINAL

• Os concursantes, pola súa mera presentación, aceptan integramente as bases deste concurso.

15 mar. 2017

Programación de Teatrofilia 2017

Xa podedes consultar as datas e horarios de todas as funcións e actividades da XIV Mostra de Teatro Amador de Vedra - Teatrofilia 2017, que se vai desenvolver durante catro fins de semana, do 17 de marzo ao 8 de abril. Vémonos no teatro!






VENRES 17 DE MARZO

21:15 h "Frío"
Farrapo Teatro (Santiago de Compostela) +7

SÁBADO 18 DE MARZO

21:15 h "O de menos é o nome"
Agrupación Teatral Mariñán (Betanzos) TP

DOMINGO 19 DE MARZO

16:30 h "Benvido, Sr. Ilustrado!" - Visita teatralizada aos xardíns do Pazo de Ortigueira*
Andaravía Teatro (Vedra)* TP

19:15 h "Noiteboa"
Redrum Teatro (Vedra) +12

VENRES 24 DE MARZO

21:15 h "Pánico!"
Farandoleiras Cabaré (Oleiros) +14

SÁBADO 25 DE MARZO

21:15 h Radioteatro
"Unha historia case real"
Grupo de teatro de maiores do Centro Social de Vedra
"A vaquiña"
Andaravía Teatro (Vedra) TP

DOMINGO 26 DE MARZO

19:15 h "Des-enlace" 
TikTak Teatro (Santiago de Compostela) TP

VENRES 31 DE MARZO

21:15 h "Fuga" 
Gargallada Teatro (O Barco de Valdeorras) +7

SÁBADO 1 DE ABRIL

17:00 h Tarde infantil
"A volta ao mundo en 80 días"
Escola de San Miguel de Sarandón (Vedra)
"O xigante Gandulfo"
Grupo de Teatro da A.C. Cotomanguelo (Orazo)

21:15 h "Dramaturxia das mulheres" 
Inherente Teatro (Vigo) +12

DOMINGO 2 DE ABRIL

19:15 h "Misterios" 
O Aturuxo de Melpómene (Narón) Infantil

VENRES 7 DE ABRIL

21:15 h "Cabaret Salomé"
GN Teatro (Santiago de Compostela) TP

SÁBADO 8 DE ABRIL

21:15 h "O mordomo, of course"
Debullando Teatro (Negreira) +7



Prezo entrada: 3 euros
Prezo bono: 7 euros

*Prezo visita teatralizada: 5 euros. Prazas limitadas. Imprescindible inscrición previa: ac_papaventos@yahoo.e
s


26 ene. 2017

Gañador do Concurso de Carteis Teatrofilia 2017

Bo día, teatreiros/as!!

Pasiño a pasiño imos facendo camiño e xa temos gañador do concurso de carteis para anunciar Teatroflia 2017!! O domingo 22 de xaneiro os membros da A. C. Papaventos reunímonos en Vedra para valorar todos os traballos recibidos ao abeiro deste certame que organizamos dende hai xa doce anos para atopar a que será a imaxe da Mostra de Teatro Amador de Vedra. Nesta ocasión recibimos 18 propostas e foi a obra presentada por Rubén Lucas García (Murcia) a que resultou gañadora desta edición. Parabéns!




Por outra parte, o cartel gañador do accésit infantil é obra de Lola Valle Ledesma (7 anos), alumna da Escola de Sarandón (CRA Boqueixón-Vedra). Noraboa artista!




Moitísimas gracias a todas e a todos por participar! Nós seguiremos traballando nas semanas vindeiras para pechar o antes posible a programación de Teafrofilia 2017, que como xa vos contamos, se vai celebrar entre os meses de marzo e abril. Este ano temos moitas novidades e xa estamos desexando compartilas con vós. Estade ben atentos! Apertas!



4 nov. 2016

Concurso de carteis para a anunciar TEATROFILIA 2017



Vimos de darlle a benvida ao outono pero en Vedra xa estamos pensando na primavera. Comezamos a descontar os días que quedan para TEATROFILIA 2017 e facémolo cunha convocatoria que marca o inicio desta conta atrás: a do XII Concurso de Carteis para seleccionar a imaxe da XIV Mostra de Teatro Amador de VedraTeatrofilia, que se celebrará entre os meses de marzo e abril de 2017.

O concurso está aberto a artistas, deseñadores e creadores do mundo enteiro, o que quere dicir que calquera persoa que o desexe pode participar presentando a súa proposta antes do vindeiro 10 de xaneiro. 

Podedes consultar as bases do concurso a continuación:

1 - PARTICIPANTES

• Poderán presentarse ao concurso todas aquelas persoas que o desexen, agás os membros da Asociación Cultural Papaventos e familiares directos.
• Cada participante poderá presentar un máximo de dúas obras.

2 - TEMA e CARACTERÍSTICAS TÉCNICAS

• Os carteis teñen que versar preferentemente sobre algo relacionado co teatro. Non obstante, os participantes gozan de completa liberdade para escoller o tema.
• Os/as creadores/as dos carteis que se presenten ao concurso serán responsables da orixe da obra e, se esta estivera inspirada nun traballo alleo, deberán dispoñer da autorización do seu autor/a.
• O tamaño dos carteis debe ser formato A3 (297x420mm).
• Poderán realizarse con calquera técnica (pictórica, fotográfica, informática, etc.).
• No cartel figurará rotulado:


Teatrofilia
XIV Mostra de Teatro Amador de Vedra


• É obrigatorio empregar a tipografía “Alba” para a palabra Teatrofilia. Esta pódese descargar no seguinte enderezo web: http://www.fontreactor.com/
• Deberase ter en conta que nalgún lugar do cartel irá a programación da mostra así coma os logotipos das entidades que fan posible Teatrofilia.
• O xurado deste concurso valorará a orixinalidade dos carteis, así como a súa eficacia comunicativa e o impacto e a calidade do deseño.

3 - PRESENTACIÓN

• A data límite para a presentación de carteis é o 10 de xaneiro de 2017.
• En ningún caso o cartel deberá ir identificado co nome do autor/a nin con pseudónimo.
• Os participantes deberán presentar unha copia do seu traballo en tamaño folio. Dita copia e a identificación (nome e apelidos, número de teléfono e correo electrónico, data de nacemento no caso de ser participante do accésit infantil) do autor/a ten que presentarse nun sobre pechado. Sería desexable, aínda que non imprescindible, unha copia do traballo en soporte informático.
• Os sobres pechados xunto cos carteis poderanse presentar ata o 10 de xaneiro (inclusive) na Casa do Concello de Vedra ou a través de correo postal ao seguinte enderezo: 


Asociación Cultural Papaventos
Rúa da Boca, nº 9 CP 15885 Vedra (A Coruña).

4 - PREMIOS

• O autor/a do cartel gañador será premiado con 250 euros.
• Cada participante deste concurso será obsequiado cun bono para a vindeira edición de Teatrofilia que poderán recoller na súa billeteira.
• Do mesmo xeito, concederase un premio accésit ao mellor cartel infantil (3-12 anos).

5 - XURADO

• O xurado estará formado polos membros da Asociación Cultural Papaventos.
• A Asociación Cultural Papaventos resérvase o dereito de declarar deserto o premio no caso de que ningún cartel acade os requisitos demandados.
• O veredicto do xurado darase a coñecer nos 15 días seguintes á finalización do prazo de entrega a través da páxina web do Concello de Vedra, no boletín informativo do Concello, redes sociais (Facebook) e neste blog.
• O veredicto do xurado será inapelable.

6 - TRABALLOS PREMIADOS

• O cartel que resulte elixido para anunciar a XIV edición de Teatrofilia cederá todos os dereitos sobre o seu uso, adaptación e explotación á Asociación Cultural Papaventos, que o empregará en formato dixital e impreso para difundir dita edición de Teatrofilia.
• Tanto o premio do cartel gañador como o accésit infantil serán entregados aos seus autores/as o día da inauguración de Teatrofilia.

7 - TRABALLOS NON PREMIADOS

• Todos os traballos serán expostos durante a mostra. Aqueles autores/as que desexen recoller a obra dispoñen dun prazo de 15 días depois do remate da XIV edición de Teatrofilia.

8 - PUBLICIDADE

• Os sucesivos anuncios e novas sobre este concurso de carteis serán publicados neste blog e na páxina web do Concello de Vedra.

9 - NORMA FINAL

• Os concursantes, pola súa mera presentación, aceptan integramente as bases deste concurso.

10 feb. 2016

Programación de Teatrofilia 2016

Teatrofilia chega á súa décimo terceira edición e como os Papaventos non cremos nas supersticións, estivemos traballando un ano máis con moita ilusión para ofrecervos unha programación que agardamos vos entusiasme tanto como a nós. Xa podedes consultar as datas e horarios de todas as funcións e actividades que se desenvolverán durante os tres primeiros fins de semana do mes de marzo en Vedra. Vémonos moi pronto!



VENRES 4 DE MARZO
21.15 h Memorias dun neno labrego (TP)
Cándido Pazó (San Xián de Sales, Vedra)

SÁBADO 5 DE MARZO
19.15 h A boticaria (TP)
Tira e afloxa (San Pedro de Vilanova, Vedra) 

21.15 h Maniféstate! (TP)
Andaravía Teatro (Vedra) 

DOMINGO 6 DE MARZO
19.15 h O velorio de Antón Carballo (+14)
Escola Municipal de Teatro de Muxía 



VENRES 11 DE MARZO
21.15 h Chou mas go on! (+14)
Axóuxere Teatro (Oleiros) 

SÁBADO 12 DE MARZO
17.00 h 
Ligues e outros líos (TP)
Aula de Teatro do CPI de Vedra

Cita case a cegas (TP)
Grupo de Teatro da A.C. Cotomanguelo (Orazo)

18.30 h Obradoiro: Monicreques para xogar xuntos/as

21.15 h Teimas (+16)
Disfunción Continua Teatro (A Estrada)

DOMINGO 13 DE MARZO
17.00 h Tarde infantil:
O mar é azul
Escola de San Miguel de Sarandón (Vedra)

Baile
Tira e afloxa cativos (San Pedro de Vilanova, Vedra)

O conto da rá
Grupo de Teatro da A. C. Cotomanguelo (Orazo)

19.15 h Brincacontos (Infantil)
Andaravía Teatro (Vedra)



VENRES 18 DE MARZO
21.15 h Frío (+8)
Farrapo Teatro (Santiago de Compostela) 

SÁBADO 19 DE MARZO
21.15 h 
Mullerebillosas (TP) 
Martabelas (Teo) 

Sacho’s Show (TP)
Andaravía Teatro (Vedra) 

DOMINGO 20 DE MARZO
19.15 h Inmortal (+14)
Marañao Teatro (Ourense)